Evîna Bextewar Tune ye

Evîna Bextewar Tune ye

Însan her tiştî di destê xwe de nagre ti car

Ne hêza xwe, ne bêhêzîya xwe, ne jî dilê xwe

Kîngê veke hemêza xwe dibe xaçek sîha wî

Kîngê hemêzke bextewarîya xwe parçe dike ew her tiştî

Jîyana wî hûrgulîyek bi xerîbî û bi jan tijîye her dem

Evîna bextewar tune ye.

 

Jîyana wî dişibe vê eskerê bêçek

Yê ku xwe piçaye û girêdaye ji bo qederek din

Çi kara wê heye ji wan re, ya rabûna sibê zû

Ewan însanên bê qirar, ewareyên êvara ne

Bêje vana gîyana min û bese evqas hêsîr

Evîna bextewar tune ye.

 

Bedewa min, şirîna min, birîna minê derbûyî

Te di hundurê xwe de dikşînim wek çivîkek birîndar

Û gava ew bi nezanî dinhêrîn diborîn ji me

Dubare dikin piştî min hevokên ku min honandine

Û ji nişkê ve dimirin bo çevên te yên gir

Evîna bextewar tune ye.

 

Waxt tûne idî ji bo hînbûna jîyanê

Bra bigrîn dilên me heta destê sibê

Ji bo stranek piçûk nêçe bedbextî divê

Hilperînek jî bi nêçe poşmanîya dayîn

Ji bo awazek nêçe hêsîr rêtin

Evîna bextewar tune ye.

 

Evîna ku bi dilêşî xilas nebûye tune ye

Evîna ku birîn venekiribe di dil de tune ye

Evîna ku şop nehîştibe tune ye di însan de

Û hema wek te ye evîna welat jî

Evîna ku di hêsîran de nexeniqîbe tune ye

Evîna bextewar tune ye.

Evîna me herdaye dîsa jî…

 

Yek evînek tuneye ku nenoqandîyê janan be

Yek evînek tuneye ku birîn venekiribe di dil de

Yek evînek tuneye ku şop nehîştibe di însan de

Ji te zêdetir nîne evîna welat jî

Yek evînek jîndar tuneye ku hêsîr nerêtibe

Evîna bextewar tune ye

Wihaye evîna me herdayan jî…

 

Louis Aragon

——————————————————–

Werger ji Trikî: Seregola İntabê