Li Moskovê Festîvala Fîlmên Kurdî

Li Moskovê Festîvala Fîlmên Kurdî

Yekemîn Festîvala Fîlmên Kurdî ya Moskovê ji 21 ta 25 Tîrmehê birêve biçe.

Wezareta Kulturê ya Rûsyayê lîsteya festîvalên fîlmên navneteweyî ji bo sala 2021 pesend kiriye û tê de Festîvala Fîlmên Kurdî ya Moskovê  (Moskow Kurdish Fîlm Fesival) jî cih digre.

Yekemîn  Festîvala Fîlmên Kurdî ya Moskovê ji aliya Berfîn Design Groupê ve tê rêkxîstin.

Seroka Berfîn Design Groupê Gulîzer Gerdenzerî ragihand ku Yekemîn  Festîvala Fîlmên Kurdî ya Moskovê hê di sala 2020ê de ketibû lîsteya festîvalên navneteweyî ya Wezareta Kulturê ya Rûsyayê wiha pê de çû lê par ji ber pandemiyê festival saz nebibû.

Gulîzer Gerdenzerî da zanîn ku wê bîryar daye ku îsal dubare serî li wezaretê bide û daxwaznameya wan îsal jî hatiye pesendkirin û got: “Îsal pênc roj dem dane ji bo pêşandana fîlmên kurdî. Festîval dê ji 21 heta 25 Tîrmehê birêve biçe.”

Berpirsa Bernameya Fesîvala Moskovê Zînê jî da zanîn, fîlmên ku beşdariya festîvalê bikin, dê ji nava 90 fîlman bêne bijartin.

Zînê herwiha eşkere kir ku di festîvalê de fîlmên sînema, kurtefîlm û belgefîlmên derhênerên kurd bêne nîşandan.

Gulîzer Gerdenzerî qîza hunermandê binavûdeng Kerem Gerdenzerî, Zînê jî qîza Gulîzer Gerdenzerî ye.

Nivîs