Xeyal Bê Sînor in

Gib hier deine Überschrift ein

Hûn ew qas destan bi destbendan girê bidin
Hûnê nikaribin sînorên xeyalan bibînin
Hûn nizanin ku sînorên xeyalan tune ne?
Û ew ên xwedîxeyal
Baskên xwe vedikin
Ji dîwarên ramanên qedexe derdikevin
Ji we
Ji xwe dûrdikevin
Û diçin ber bi çemên zelal yên welatê qedexekirî ve
Bêhna xwe vedidin
Bergehê vedişêrin di çavên xwe de
Bi heval û hogirên xwe re rûdinên
Û çayek vedixwin
Stranên azadiyê dibêjin
Di nav binefşên nû bişkivî de
Behsa xeyalên xwe
Hêviyên xwe dikin
Ji hev û du re
Paşê dibin hespên spî yên bibask
Li pişta şeva şermoke sîwar dibin
Û bê sînor difirin
Ber bi azadiyê ve

Muqades Agirî

Nivîs