Siwar Hatin Ji Zozanan

Siwar Hatin Ji Zozanan

Nav çiya û zinaran
Pey dilê kovî mame
Bûm bi bask firiyam tevlî xeyalan
Deşta dûr pir dûr e
Li rojava destara
Derdan e hêviya min dîtinek bû

Ji vê refê neqetiyam tevlî wê firiyam
Wek koçeran geriyam bin baranê de
Henasê min bi vedeng e
Gava min bê deng e
Mêwa giyanê min lal e

Siwar hatin ji zozanan
Girtin serkêşiya dîlanan
Desmala rengîn destana
Mijê hey baranê
Dotmaman xwe hilba kirin
Pispaman çog nîvçog kirin
Desmal dane destê xalana
Pûkê hey leylanê

Rê kor e û pir sar e
Heyv li jor mat maye
Stêrk ji çavan rijyan lê ez mam
Hespê boz dijene
Ber bi jora jor ve
Nav ewrên giyanan de dinhêre

Destê min ji te nabe
Lê pir, pir dereng e
Ji te re malekê ji kevrokan ava dikim
Deriyê wê şilêr be
Banê wê morîk be
Çira wê pêjna te

Siwar hatin ji zozanan
Girtin serkêşiya dîlanan
Desmala rengîn destana
Mijê baranê
Dotmaman xwe hilba kirin
Pispaman çog nîvçog kirin
Desmal dane destê xalana Pûkê û leylanê

 

 

Helbest: Şêro Hindê

 

Nivîs